روِٱيّتُيّ الأولى [ٱحًبّك يّٱ ٱغّلى منٌ سًكنٌ هٱ ٱلقَلبّ]بّقَلميّ♥

بداية بعرفكم ع شخصيات القصة


بيت ابو راشد ♥
الاب اسمه محمد عمره 44 يشتغل في الشرطة فمطار الفجيرة ويحب عياله حيل بس طبعا كله عنده منقود يعني ماشي خربطان ولا بحصلون طراق >< هع اسولف وياكم

الام اسمها جميلة عمرها 36 ربة منزل وهي بعد تحب عيالها ودافع عنهم دوم خخخخ طبعا عكس ابو راشد وعندهم ولدين و 3 بنات

ولدهم البجر اسمه راشد عمره 23 ومتزوج ماخذ ربيعت سلامة الروح بالروح ريم عمرها 22 طبعا ماكملت دراسة لانها ماتحبها هع ><وعنده منها ولد وبنية شكله فنان و حليو بالعربي تحطيييييييييم

(عياله) الولد اسمه سيف عمره 5 سنوات و ونورة عمرها 3 سنوات

وبعد راشد بنية اسمها سلامة عمرها 22 بالجامعة اخر سنة لها في جامعة الامارات مخطوبة لولد خالها نهيان وهي مرة حلوة و طولها حلو مناسب لجسمها ومليانة شوي واكيد دلوعة حيل بس طيوبة وايد خخخخ وطبعا ماراح اعيد مثل كل الروايات في المديح بس الي اقدر اقوله انهااا حلوة وايد

عقبها سلطان عمره 20 ثالث سنة بالجامعة يدرس بجامعة الامارات وخقاق حيل بس الطيبة مالية قلبه وماياخذ بخاطره مولية واكيد ضارب عن الزواج وراح تعروفن ليش وليش امبعد فكرة ارتباطه فبنية هع هع في القصة بتنكشف كل الخفايا >< المحقق كونان وانا مادري خخخخ

وبعدين اتيي بشاير عمرها 17 ثاني ثنوي علمي وماشاء الله شادة حيلها فالدراسة وهي اكيد بطلة من ابطال قصتنا وراح تعرفوها عقب واكيد كوبي بيست من سلطان مرة تشبهه بالقو خخخخ بس تختلف هي بنوتة اما هو ريال هع >< شوا اليديد مثلا

اخر العنقود امنه عمرها 13 صف ثامن هاي حشرت البيت ملسونة بالقو بس وقت الجد اجبن وحدة هع ومنتعرف عليها مع الاحداث >< لا تستعيلو خخخ ام النذالة

بيت ابو حمدان ♥

الابو عبد الرحمن متوفي وهو في ريعان شبابه ( الله يرحمه ويغمد روحه الجنة ) قولو امين

الام فاطمة حنونة وايد وقلبها ابيض فديتها والله احم وهي اخت ام راشد (جميلة ) عمرها طولي بعمركم 41 اتحب عيالها وايد عندها ولدين وبنتين

ولدها البجر حمدان عمره 24 شكله خقة هههه بس متواضع مايخصة لا بالخقة ولا هم يحزنون كان مالج ع وحدة من رااك واسمها ميثة وتصير من اهلهم توفت بحادث الييييم ومن عقبها مافكر بالزواج

شيخة عمرها 18 وهي حركة البييت (الهووم) ولسانها متبري منها وربيعت بشاير الروح بالروح وتصير بنت خالوتها وهي في جامعة زايد سنة اولى وراح نتعرف عليها بعدين واكيد اصلا هي من ابطال القصة خخخ

وبعديها الله يسلمكم التوام غيث وغيثة عمارهم 13 وغيث العاشق الولهان للانسة امنة وغيثة ربيعتها الروح بالروح خخخخ


اخر عايلة ابو عبيد ♥
الاب اسمه علي ومسافر لدولة اوربية للعلاج مع اخوه ويصير خال ام راشد (جميلة) وام حمدان(فاطمة)

الام اسمها مريم وعمرها 42 وتحب عيالها وايد عندها بنتين وولد

البجر اسمها ندى وعمرها 24 مخلصة جامعة وماياها نصيب .. حلوة واحلى مافيها رزانتها واخلاقها

عبيد اقل من كلمة جميل وشعره للجتف خخخخ >< بنية هب ريال ><عمره 20 ويشتغل بالجيش

اخر العنقود خديجة طبعا طبجت بشاير وشيخة وعمرها 18 ويا شيخة بالجامعة وهي من ضمن الابطال وبتعرفونها بعدين

اكيد اكيد نسيت العايلة الرئيسية الي متفرع منها الاحفاد الي هم الابطال هههههه



اليد عيسى♥ امممم مادري جم عمره الموهيم طبعا ريال شيبة وهو ابو فاطمة وجميلة عرفتوهم صح ادري انكم شطاار فديتكم وعندهم اخت اسمها عواش عمرها 24 طبعا راح تستغربو ليش عمرها مثل عمر ولد اختها فاطمة (حمدان) لانه ببساطة الله يسلمكم فاطمة معرسة وهي صغيرة فهمتو مااقدر افسر اكثر عن جي خخخخ..
وبعد كمعلومة اضافية راح يكون عندنا اخوان لفاطمة وعاشة وجميلة ..ادري ان في عقول مشفرة فلازم اوضح عسب تفهمون ..

نرجع لموضوعنا يعني هاذيلا الشباب راح يكون خوال بشاير وشيخة وامنة وبنفس الوقت خديجة اتصير لهم بنت خالهم >><< فهمتو ولاا
---------------------->>>

همسة ♥♥[ لو شفت تفاعل وايد راح انزل اول بارت ... واي انتقاد او ملاحظة انا جاهزة >> لاتحاتو ما بزعل ... اي نقطة اي استفسار انا بالخدمة .... راح بتلاحظون في البارتات ان الكلام كله بحتوي ع حرف الشين (ش) >> اخر الكلمة لاني لاحظت ان كل الروايات الاماراتية خاصة تكون بحرف الجيم (ج) مثل >> باجر واحبج و وو الخ ... فحبيت اغير طشونة ع حسب رمستنا ويمكن ببالغ شوية >> كتغير يعني ... واتمنى انه ها التغير ينال اعجابكم .... ويمكن في كمن كلمة او مصطلح ماراح تفهمونها فسدحوها هني عسب افسرها لكم ..... وشكرا ]